అందరికీ నమస్కారములు. మన తెలుగిండ్లలో పాడుకొనే భక్తి పాటలు, భజన కీర్తనలు కొన్నేళ్ళ క్రిందట మా కుటుంబ సభ్యులు ముఖ్యంగా మా నాయనమ్మ మరియు అక్క సేకరించి కూర్చారు. ఇందులో పాటలు, భజనలు, కీర్తనలు వంటివీ మరియు త్యాగరాజ, ముత్తుస్వామి గార్ల కీర్తనలతో సహా ఇతరములూ ఉన్నాయి. అవన్నీ “భజన కీర్తనలు” అన్న పేరుతో ఒక పుస్తక రూపంలో చాలా కాలం క్రిందటే వచ్చాయి. ఆ పుస్తకాన్ని అంతర్జాలంలోకి తీసుకువచ్చే ప్రయత్నమే ఈ బ్లాగు ఉద్ధేశ్యం. ఇందులోని ప్రతి కీర్తన/పాట కి ఆడియో సమకూర్చాలని ఆలోచన. ప్రస్తుతానికి సాహిత్యం మాత్రమే ఇస్తున్నాను. కొందరికయినా ఉపయోగపడతాయని ఆశిస్తున్నాను.
4:14 అపరాహ్నం వద్ద అక్టోబర్ 12, 2007 |
మీ ప్రయత్నం చాలా బాగుంది . అయితే ఈరోజులలో సినిమా పాటల బ్లాగులకి
ఉన్నటువంటి ఆదరణ ఈ భజన కీర్తనల బ్లాగుకి లభించడం కష్టమే . అయినా
కొనసాగించగలరని ఆశిస్తున్నాను . శుభాకాంక్షలతో …
11:49 పూర్వాహ్నం వద్ద ఫిబ్రవరి 2, 2008 |
దాదాపు ఇలాటి పాటలు వున్నాయని మర్చిపోతున్నకాలంలో మీరు మళ్లీ గుర్తుకి తెచ్చారు. ధన్యవాదాలూ, అభినందనలూను.
3:27 అపరాహ్నం వద్ద ఫిబ్రవరి 2, 2008 |
కృతజ్ఞతలు శేషు, మాలతి గారు. మీలాంటి నలుగురికి ఉపయోగపడితే సంతోషమే.