రాగం: పున్నాగవరాళి
తాళం: ఆది
పల్లవి:
గంధము పుయ్యరుగా పన్నీరు
గంధము పుయ్యరుగా
అను పల్లవి:
అందమయిన యదునందనుపై
కుందరదన లిరవొందగ పరిమళ ||గంధము||
తిలకము దిద్దరుగా కస్తూరి తిలకము దిద్దరుగా
కలకలమను ముఖకళగని సొక్కుచు
బలుకుల నమృతము లొలికెడు స్వామికి ||గంధము||
చేలము గట్టరుగా బంగారు చేలము గట్టరుగా
మాలిమితో గోపాలబాలులతో
నాల మేపిన విశాలనయనునికి ||గంధము||
హారతులెత్తరుగా ముత్యాల హారతులెత్తరుగా
నారీమణులకు వారము యౌవన
వారక యొసగెడు వారిజాక్షునికి ||గంధము||
పూజలు సేయరుగా మనసార పూజలు సేయరుగా
జాజులు మరి విరజాజులు దవనము
రాజిత త్యాగరాజ నుతునికి ||గంధము||
3:06 అపరాహ్నం వద్ద జూన్ 17, 2008 |
[...] నా భజనకీర్తనలు బ్లాగులో గంధము పుయ్యరుగా కీర్తన కోసం వెతుకుతుంటే, ఈ తిల్లానా [...]
6:47 అపరాహ్నం వద్ద జూన్ 17, 2008 |
ఆరంభంలో ఏమిట్రా బాబూ ఇలా పాడాడీయన అనిపించినా… తర్వాత రామవర్మగారు బాగానే పాడాడు అనిపించింది.
8:23 అపరాహ్నం వద్ద జూన్ 17, 2008 |
కేరళీయుడు అవటం వల్ల పలకటం కొంత వేరుగా ఉంటుంది. ఏసుదాసు శాస్త్రీయం ఎంత బాగా పాడినా ఆ లోటు కనపడుతూనే ఉంటుంది.