గంధము పుయ్యరుగా…

రాగం: పున్నాగవరాళి
తాళం: ఆది

పల్లవి:

గంధము పుయ్యరుగా పన్నీరు
గంధము పుయ్యరుగా

అను పల్లవి:

అందమయిన యదునందనుపై
కుందరదన లిరవొందగ పరిమళ ||గంధము||

తిలకము దిద్దరుగా కస్తూరి తిలకము దిద్దరుగా
కలకలమను ముఖకళగని సొక్కుచు
బలుకుల నమృతము లొలికెడు స్వామికి ||గంధము||

చేలము గట్టరుగా బంగారు చేలము గట్టరుగా
మాలిమితో గోపాలబాలులతో
నాల మేపిన విశాలనయనునికి ||గంధము||

హారతులెత్తరుగా ముత్యాల హారతులెత్తరుగా
నారీమణులకు వారము యౌవన
వారక యొసగెడు వారిజాక్షునికి ||గంధము||

పూజలు సేయరుగా మనసార పూజలు సేయరుగా
జాజులు మరి విరజాజులు దవనము
రాజిత త్యాగరాజ నుతునికి ||గంధము||

ఆలోకయే శ్రీ బాలకృష్ణం

రాగం: హుసేని

తాళం: ఆది

 

ఆలోకయే శ్రీ బాల కృష్ణం

సఖి ఆనంద సుందర తాండవ కృష్ణం ||ఆలోకయే||

 

చరణ నిక్వణిత నూపుర కృష్ణం

కర సంగత కనక కంకణ కృష్ణం ||ఆలోకయే||

 

కింకిణీ జాల ఘణ ఘణిత కృష్ణం

లోక శంకిత తారావళి మౌక్తిక కృష్ణం ||ఆలోకయే||

 

సుందర నాసా మౌక్తిక శోభిత కృష్ణం

నంద నందనం అఖండ విభూతి కృష్ణం ||ఆలోకయే||

 

కంఠోప కంఠ శోభి కౌస్తుభ కృష్ణం

కలి కల్మష తిమిర భాస్కర కృష్ణం ||ఆలోకయే||

 

నవనీత ఖంఠ దధి చోర కృష్ణం

భక్త భవ పాశ బంధ మోచన కృష్ణం ||ఆలోకయే||

 

నీల మేఘ శ్యామ సుందర కృష్ణం

నిత్య నిర్మలానంద బోధ లక్షణ కృష్ణం ||ఆలోకయే||

 

వంశీ నాద వినోద సుందర కృష్ణం

పరమహంస కుల శంసిత చరిత కృష్ణం ||ఆలోకయే||

 

గోవత్స బృంద పాలక కృష్ణం

కృత గోపికా చాల ఖేలన కృష్ణం ||ఆలోకయే||

 

నంద సునందాది వందిత కృష్ణం

శ్రీ నారాయణ తీర్థ వరద కృష్ణం ||ఆలోకయే||

గిరిరాజసుతాతనయ….

గాత్రం :  నెయ్యెలి సంతాన గోపాలన్

రాగం : బంగాళ
తాళం : దేశాది

పల్లవి :
గిరిరాజసుతాతనయ సదయ ||గిరి||

అనుపల్లవి :
సురనాధముఖార్చిత పాదయుగ
పరిపాలయమాం ఇభరాజముఖ ||గిరి||

చరణం :
గణనాధ పరాత్పర శంకరా
గమవారినిధి రజనీకరా
ఫణిరాజకంకణ విఘ్ననివారణ
శాంభవ శ్రీ త్యాగరాజనుత ||గిరి||

గాత్రం : శంకర్ మహదేవన్

గాయతి వనమాలీ ….

రాగం : హంసధ్వని
తాళం : ఆది
గాత్రం : మంగళంపల్లి బాలమురళీకృష్ణ

గాయతి వనమాలీ మధురం ||గా||

పుష్ప సుగంధ సుమలయ సమీరే
మునిజన సేవిత యమునాతీరే ||గా||

కూజిత శుక పిక ముఖ ఖగ కుంజే
కుటిలాలక బహు నీరద పుంజే ||గా||

తులసీ ధామ విభూషణ హరీ
జలజ భవ స్తుత సద్గుణ శౌరీ ||గా||

పరమ హంస హృదయోత్సవకారీ హరీ
పరిపూరిత మురళీరవధారీ ||గా||
 

శ్రీమన్నారాయణ …..

రాగం :
తాళం :
గాత్రం : ఎం.ఎస్.సుబ్బులక్ష్మి

శ్రీమన్నారాయణ శ్రీమన్నారాయణ
శ్రీమన్నారాయణ నీ శ్రీపాదమే శరణు ||

కమలాసతీ ముఖకమల కమలహిత
కమలప్రియ కమలేక్షణా
కమలాసనహిత గరుడగమన శ్రీ
కమలనాభ నీ పదకమలమే శరణు || శ్రీ||

పరమ యోగిజన భాగధేయ శ్రీ
పరమ పూరుషా పరాత్పరా
పరమాత్మ పరమాణురూప శ్రీ
తిరువేంకటగిరిదేవ శరణు || శ్రీ||

దేవాధిదేవా శ్రీ వాసుదేవా

దేవాధిదేవా శ్రీ వాసుదేవా
కావుమయ్య నన్ను కరుణాలవాల ||దేవా||

ఈ వేళనా ఆరు శత్రులను
నీవే పారద్రోలి నిజభక్తుజేసి ||దేవా||

నే జేసిన పుణ్యఫలమొ
నా పూర్వజుల పుణ్యఫలమొ
శ్రీ జానకీశ ఈ జన్మమిచ్చి
నన్ను ధన్యునిగ భువి జేర్చితివి ||దేవా||

మేలుకొను శ్రీరంగనాథా….

మేలుకొను శ్రీరంగనాథా
మేలుకొను వైకుంఠనాథా
మేలుకొను లక్ష్మీసనాథా
మేలుకొనవయ్యా రంగా మేలుకో ||మేలుకొను||

తెల్లవారెను తూర్పుదిక్కున
తెరలి తిమిరము గుహలు జొచ్చెను
తెల్లనాయెను తిరువళికలు తేజమణిగేను
పల్లవించెను భానుబింబము
ప్రబలుచు వేంచేసి వచ్చెను
యెల్ల జనులకు కోర్కె లొసగను
వల్లభుడ లేరా శ్రీరంగా మేలుకో ||మేలుకొను||

గంగ గౌతమి యమున నర్మద
తుంగభద్రయు కృష్ణవేణియు
రంగవాహినులౌ సరస్వతి రమ్యమౌ నదులూ
పొంగి తమ తమయందు గలిగిన
పుణ్యతీర్థము లన్ని తెచ్చిరి
మంగళప్రదమైన నీముఖ మార్జనమ్మునకు
శ్రీ రంగా మేలుకో ||మేలుకొను||

గరుడ గంధర్వ యక్ష కిన్నర
సిద్ధ విద్యాధరులు మునులు
దేవదానవ గణము లన్నియు
మచ్చికను మిమ్ము
అక్షయంబగు మోక్షమిమ్మని
వచ్చి మీ ద్వారంబునందున
హెచ్చుగా మొరలిడుచు నుండిరి
వేగ మేల్కొనుమా శ్రీరంగా మేలుకో ||మేలుకొను||
 

లలిత శయనా చలిత హరిణా..

లలిత శయనా చలిత హరిణా
నయనా లెమ్మా తెలవారుచున్న దమ్మా
అలరుకొమ్మా తళుకు పసిడి కొమ్మా లెమ్మా
తెలవారుచున్నదమ్మా ||లలిత||

పులుగులవె మేతలకు తరలేను
మెలమెల్ల గురు డస్తమించేను
అల శుక్రతార మింటను పొడిచేను
కలసి మాతో రమ్మా కపటమును విడువమ్మా ||లలిత||

ఒకదైత్యవైరి ఆ దశకంఠసంహారి
అకళంకచరితముల ఒకచోట చేరి
ఈ పుణ్యదివసాన సఖియలు పాడేరు
తీపారు వలె నీట తీర్థమాడగదమ్మా ||లలిత||

కేశవ గోవింద మాధవా యని….

కీర్తనకి, సాహిత్యానికి మధ్య కొన్ని పాఠ భేధాలున్నాయి. కానీ సాహిత్యం సరయినదే అని నేను నమ్ముతున్నాను. 

 

కేశవ గోవింద మాధవా యని
కీర్తన చేసే దెన్నటికో
నాశము లేని మోక్షమును పొందుట
నారాయణ నాకెన్నటికో ||కేశవ||

భక్తి మృదంగము తాళాదులతో
భజనలు చేసే దెన్నటికో
శక్తి మీరగ నృత్యము సేయుట
సారసాక్ష నా కెన్నటికో ||కేశవ||

పూవులతో నీ పాదంబులకును
పూజలు చేసే దెన్నటికో
నైవేద్యం బిడి పరమ భక్తిని
చాటించుట నా ఎన్నటికో ||కేశవ||

పాహి పాహియని పరమపురుష
నీ పాదంబుల బడు టెన్నటికో
దేహి దేహియని నీ కృపకొరకై
దేవురు లాడే దెన్నటికో ||కేశవ||

రామదాసులను బ్రోచినట్లు
సంరక్షణ చేసే దెన్నటికో
భామామణి రుక్మిణితో గూడి
బాసలు చేసే దెన్నటికో ||కేశవ||

భజన చేసే విధము దెలియండి…

భజన చేసే విధము దెలియండి, జనులార మీరు
నిజము కనుగొని మోదమందండి ||భజన||

భజన చేసే విధము దెలియక
నిజముగా హరిభక్తు లనుకొని
మదగజము దెగవ్రేయ లేకను
సుజనులని దిరుగంగ నేలను ||భజన||

జ్ఞానులనుకొని యెగసి పడకండీ
జనులార తత్వజ్ఞానమందే మనసు నిలపండీ
జ్ఞానులనుకొని యెగసిపడి
అజ్ఞానములు పైబెట్టుకొన్నను
మానసంబున బుట్టి చచ్చియు
పూని మరి జన్మింపవలయును ||భజన||

వారు వీరని యెంచబోకండి
జనులార మీరు నోరుచచ్చినవారు కాకండి
వారు వీరని యెంచుటెల్లను
సారము లేనట్టి హీనత
పౌరుషులకే గాక పుణ్యము
ఊరి కథలం దేమి యున్నది ||భజన||

ధరణి శ్రీ నరహరిని గొలువండి
జనులార మీరు
పరమపదవి బొంద గోరండి
ధరను శ్రీఘటికాద్రి నరహరి
పరమభక్తవరుల మనుకొని
విరివిగా నరసింహదాసుని
వరకవిత్వము సార మనుకొని ||భజన||